3130 La una fue en Burgos y la otra en Carrion;
Esta terçera a Toledo la vine fer hoy
Por el amor de mio Çid, el que en buen hora naçio,
Que reçiba derecho de ifantes de Carrion,
Grande tuerto le han tenido, sabemoslo todos nos;
3135 Alcaldes sean d'esto el conde don Anriche y el conde don Remon
Y estos otros condes, que del bando no sondes.
Todos meted hy mientes, ca sodes conoçedores,
Por escoger el derecho, ca tuerto no mando yo;
D'ella y d'ella parte en paz seamos hoy.
3140 Juro par San Esidro, el que volviere mi corte
Quitarme ha el reino, perdera mi amor;
Con el que toviere derecho yo d'esa parte me so.
Agora demande mio Çid el Campeador,
Sabremos que responden ifantes de Carrion.
[CRONISTA]
3145 Mio Çid la mano beso al rey y en pie se levanto.
[CID]
Mucho vos lo gradesco como a rey y a señor,
Por quanto esta corte fiziestes por mi amor.
Esto les demando a ifantes de Carrion:
Por mis fijas que me dexaron yo no he deshonor;
3150 Ca vos las casastes, rey, sabredes que fer hoy.
Mas quando sacaron mis fijas de Valençia la mayor,
Yo bien las queria de alma y de coraçon,
Diles dos espadas, a Colada y a Tizon,
Estas yo las gane a guisa de varon,
3155 Que se hondrasen con ellas y sirviesen a vos;
Quando dexaron mis fijas en el robredo de Corpes,
Conmigo no quisieron haber nada y perdieron mi amor.
Denme mis espadas, quando mios yernos no son.
[CRONISTA]
Atorgan los alcaldes.
[ACALDES]
Todo esto es razon.
[CRONISTA]
3160 Dixo el conde don Garçia:
[DON GARCIA]
A esto nos fablemos.
[CRONISTA]
Esora salien aparte ifantes de Carrion
Con todos sus parientes y el bando que hy son;
Apriessa lo iban trayendo y acuerdan la razon.


98

98