[CRONISTA]
Dixo mio Çid:
[CID ]
Hayamos mas de vagar.
[CRONISTA]
Afevos el obispo don Jeronimo muy bien armado,
Parabase delante al Campeador, siempre con la buen auze.
[OBISPO]
2370 Hoy vos dixe la missa de Santa Trinidad,
Por eso sali de mi tierra y vine vos buscar,
Por sabor que habia de algun moro matar,
Mi orden y mis manos querria las hondrar
Y a estas feridas yo quiero ir delante.
2375 Pendon trayo, ha corças y armas de señal;
Si ploguiese a Dios, querrialas ensayar,
Mio coraçon que pudiese folgar
Y vos mio Çid de mi mas vos pagar;
Si este amor no feches, yo de vos me quiero quitar.
[CRONISTA]
2380 Esora dixo mio Çid:
[CID]
Lo que vos queredes plazeme.
Afe los moros a ojo, idlos ensayar;
Nos de aquende veremos como lidia el abad.
[CRONISTA]
El obispo don Jeronimo priso a espolonada 117
E ibalos ferir a cabo del albergada.
2385 Por la su ventura y Dios que le amaba
A los primeros colpes dos moros mataba de la lança;
El astil ha quebrado y metio mano al espada.
Ensayabase el obispo, ¡Dios que bien lidiaba!
Dos mato con lança y çinco con el espada.
2390 Los moros son muchos, derredor le çercaban,
Dabanle grandes colpes, mas no le falsan las armas.
El que en buen hora nasco los ojos le fincaba,
Embraço el escudo y abaxo el asta,
Aguijo a Babieca, el caballo que bien anda,
2395 Ibalos ferir de coraçon y de alma.
En las hazes primeras el Campeador entraba,
Abatio a siete y a quatro mataba.
Plogo a Dios, aquesta fue el arrancada.
Mio Çid con los suyos cae en alcançe,
2400 Veriedes quebrar tantas cuerdas y arrancarse las estacas


77

77