[CRONISTA]
Sobre el su caballo Babieca mio ăid salto daba.
[CID]
Aqui lo digo ante mio se˝or el rey Alfonso:
Qui quiere ir conmigo a las bodas, o rešibir mi don,
2130 D'aquende vaya conmigo; cuedo que el habra pro.
Yo vos pido meršed a vos, rey natural:
Pues que casades mis fijas, asi como a vos plaze, 105
Dad manero a qui las de, quando vos las tomades;
No se las dare yo con mi mano, ni dende no se alabaran.
[CRONISTA]
2135 Respondio el rey:
[REY ]
Afe aqui Alvar Fa˝ez,
Prendedlas con vuestras manos y dadlas a los Ifantes,
Asi como yo las prendo d'aquende, como si fuese delante,
Sed padrino d'ellos a todo el velar;
Quando vos juntaredes conmigo, que me digades la verdad.
[CRONISTA]
2140 Dixo Alvar Fa˝ez:
[MINAYA ]
Se˝or, afe que me plaze.
[CRONISTA]
Todo esto es puesto, sabed, en buen recaudo. 106
[CID]
Ya Rey don Alfonso, se˝or tan honrado,
D'estas vistas que hobiemos, de mi tomedes algo;
Trayovos veinte palafres, estos bien adobados.
2145 Y treinta caballos corredores, estos bien ensellados,
Tomad aquesto y beso vuestras manos.
[CRONISTA]
Dixo el rey don Alfonso:
[REY]
Mucho me habedes embargado;
Rešibo este don que me habedes mandado,
Plega al Criador con todos los sus santos, este plazer
2150 Que me feches, que bien sea galardonado.
Mio ăid Ruy Diaz, mucho me habedes honrado,
De vos bien so servido y tengome por pagado;
Aun vivo seyendo, de mi hayades algo.
A Dios vos acomiendo, de estas vistas me parto;
2155 Afe Dios del šielo que lo ponga en buen logar.
[CRONISTA]


70

70