Ojos bellidos catan a todas partes,
Miran Valençia, como yaze la çiudad,
Y del otra parte a ojo han el mar.
1615 Miran la huerta, espessa es y grande,
Alçan las manos por a Dios rogar
D'esta ganançia como es buena y grande.
Mio Çid y sus compañas tan a gran sabor estan.
El invierno es exido, que el março quiere entrar;
1620 Dezirvos quiero nuevas de allende partes del mar,
De aquel Rey Yuçef de que en Marruecos esta;
Pesole al Rey de Marruecos de mio Çid don Rodrigo. 88
[YUCEF]
¡Que en mis heredades fuertemientre es metido
Y el no se lo gradeçe sino a Jesucristo!
[CRONISTA]
1625 Aquel Rey de Marruecos ajuntaba sus virtos;
Con çinquaenta vezes mill de armas, todos fueron cumplidos
Entraron sobre mar, en las barcas son metidos,
Van buscar a Valençia a mio Çid don Rodrigo.
Arribado han las naves, fuera eran exidos;
1630 Llegaron a Valençia, la que mio Çid ha conquista, 89
Fincaron las tiendas y posan las gentes descreidas.
Estas nuevas a mio Çid eran venidas.
[CID]
Grado al Criador y a Padre espirital, 90
Todo el bien que yo he, todo lo tengo delante;
1635 Con afan gane a Valençia y hela por heredad,
A menos de muerte no la puedo dexar;
Grado al Criador y a Santa Maria madre,
Mis fijas y mi mugier que las tengo aca.
Venido me es deliçio de tierras d'allende mar,
1640 Entrare en las armas, no lo podre dexar,
Mis fijas y mi mugier ver me han lidiar;
En estas tierras agenas veran las moradas como se fazen,
Afarto veran por los ojos como se gana el pan.
[CRONISTA]
Su mugier y sus fijas subiolas al alcaçar,
1645 Alçaban los ojos, tiendas vieron fincadas.
[JIMENA]
¿Que es esto, Çid? ¡Si el Criador vos salve!
[CID]
Ya mugier honrada, no hayades pesar,
Riqueza es que nos acreçe maravillosa y grande,


55

55