Hy vençio esta batalla por do hondro su barba.
Prisolo al conde, para su tierra lo llevaba,
A sos creenderos guardarlo mandaba;
De fuera de la tienda un salto daba.
1015 De todas partes los suyos se ajuntaron;
Plogo a mio Çid ca grandes son las ganançias.
A mio Çid don Rodrigo gran cozina le adobaban.
El conde don Remon no se lo preçia nada,
Aduzenle los comeres, delante se los paraban,
1020 El no lo quiere comer, a todos los sosañaba.
[CONDE]
No combre un bocado por quanto ha en toda España,
Antes perdere el cuerpo y dexare el alma,
Pues que tales malcalçados me vençieron de batalla.
[CRONISTA]
Mio Çid Ruy Diaz odredes los que dixo. 60
[CID]
1025 Comed, conde, d'este pan y bebed d'este vino,
Si lo que digo fizieredes, saldredes de cativo,
Si no, en todos vuestros dias no veredes cristianismo.
[CRONISTA]
Dixo el conde don Remon:
[CONDE]
Comed, don Rodrigo, y pensedes de folgar, 61
Que yo dexar me he morir, que no quiero comer.
[CRONISTA]
1030 Fasta terçer dia no le pueden acordar;
Ellos partiendo estas ganançias grandes,
No le pueden fazer comer un muesso de pan.
Dixo mio Çid:
[CID]
Comed, conde, algo ca si no comedes, no veredes cristianos,
62
Y si vos comieredes, donde yo sea pagado,
1035 A vos y dos fijos d'algo quitar vos he los cuerpos y dar vos he de
mano.
[CRONISTA ]
Quando esto oyo el conde, ya se iba alegrando.
[CRONISTA]
Si lo fizieredes Çid, lo que habedes fablado,
Tanto quanto yo viva, sere dende maravillado.
[CID]
Pues comed, conde, y quando fueredes yantado,


38

38