Tierras de Alcañiz negras las va parando
Y aderredor todo lo va preando;
Al terçer dia, donde ixo, hy es tornado.
Ya va el mandado por las tierras todas, 53
940 Pesando va a los de Monçon y a los de Huesca;
Porque dan parias, plaze a los de Saragoça,
De mio Çid Ruy Diaz que no temien ningua fonta.
Con estas ganançias a la posada tornandose van, 54
Todos son alegres, ganançias traen grandes,
945 Plogo a mio Çid, y mucho a Alvar Fañez.
Sonrisose el caboso, que no lo pudo endurar.
[CID]
Ya caballeros, dezir vos he la verdad:
Qui en un logar mora siempre, lo suyo puede menguar;
Cras a la mañana pensemos de cabalgar,
950 Dexad estas posadas e iremos adelante.
[CRONISTA]
Estonçes se mudo el Çid al puerto de Alucad,
Dende corre mio Çid a Huesca y a Mont Alvan,
En aquesa corrida dos dias hobieron a morar.
Fueron los mandados a todas partes;
955 Que el salido de Castiella asi los trae tan mal.
Los mandados son idos a todas partes;
Llegaron las nuevas al conde de Barçilona; 55
Que mio Çid Ruy Diaz que le corrie la tierra toda;
Hobo grande pesar y tovoselo a grand fonta.
960 El conde es muy follon y dixo una vanidad. 56
[CONDE]
Grandes tuertos me tiene mio Çid el de Bivar;
Dentro en mi corte tuerto me tovo grande,
Firiome el sobrino y no lo enmendo mas;
Agora correme las tierras que en mi empara estan.
965 No lo desafie ni le torne enemistad,
Mas quando el me lo busca, ir selo he yo demandar.
[CRONISTA]
Grandes son los poderes y apriessa se van llegando,
Gentes se le allegan grandes entre moros y cristianos,
Adeliñan tras mio Çid el bueno de Bivar,
970 Tres dias y dos noches pensaron de andar,
Alcançaron a mio Çid en Tevar y el pinar;
Asi viene esforçado que el conde a manos se le cuido tomar.
Mio Çid don Rodrigo trae grande ganançia,
Diçe de una sierra y llegaba a un valle;


36

36