Hy finco en un poyo que es sobre Monte Real,
Alto es el poyo, maravilloso y grande,
865 No teme guerra, sabed, a nulla parte.
Metio en paria a Doroca enantes,
Desi a Molina, que es del otra parte,
La terçera Teruel, que estaba delante,
En su mano tenie a Çelfa la de Canal. 47
870 ¡Mio Çid Ruy Diaz de Dios haya su graçia!
Ido es a Castiella Alvar Fañez Minaya,
Treinta caballos al Rey los empresentaba;
Violos el Rey, fermoso sonrisaba.
[REY]
¿Qui me los dio estos? ¡Si vos vala Dios, Minaya!
[MINAYA]
875 Mio Çid Ruy Diaz, que en buen hora çinxo espada.
Vençio dos Reyes de moros en aquesta batalla,
Sobejana es señor, la su ganançia;
A vos, Rey honrado, envia esta presentaja,
Besavos los pies y las manos amas,
[CRONISTA]
880 que le hayades merçed, ¡si el Criador vos vala!
Dixo el Rey
[REY]
¡Mucho es mañana!
¡homne airado, que de señor no ha graçia!
Por acogerlo a cabo de tres semanas,
Mas despues que de moros fue, prendo esta presentaja.
885 Aun me plaze de mio Çid que fizo tal ganançia.
Sobre esto todo a vos quito, Minaya,
Honores y tierras habedlas condonadas,
Id y venid de aqui vos do mi graçia;
Mas del Çid Campeador yo no vos digo nada.
890 Sobre aquesto todo, dezir vos quiero, Minaya, 48
De todo mio reino los que lo quisieren far,
Buenos y valientes para mio Çid uyar,
Sueltoles los cuerpos y quitoles las heredades.
[CRONISTA]
Besole las manos Minaya Alvar Fañez.
[MINAYA]
895 Grado y graçias, Rey, como a señor natural,
Esto feches agora, al feredes adelante.
[REY]
Id por Castiella y dexenvos andar, Minaya, 49


34

34