[CID]
¡Cabalgad, Minaya, vos sodes el mio diestro braço!
Hoy en este dia de vos habre grande bando;
755 Firmes son los moros, aun no se van del campo.
[CRONISTA]
Cabalgo Minaya, el espada en la mano,
Por estas fuerças fuertemiente lidiando,
A los que alcança valos delibrando.
Mio Çid Ruy Diaz, el que en buen hora nasco
760 Al Rey Fariz tres colpes le habia dado,
Los dos le fallen y el uno le ha tomado;
Por la loriga ayuso la sangre destellado.
Volvio la rienda por irsele del campo;
Por aquel colpe rancado es el fonsado.
765 Martin Antolinez un colpe dio a Galve,
Las carbonclas del yelmo echoselas aparte,
Cortole el yelmo, que llego a la carne;
Sabed, el otro no se lo oso esperar.
Arrancado es el rey Fariz y Galve. 39
770 ¡Tan buen dia por la cristiandad,
Ca fuyen los moros de la parte!
Los de Mio Çid firiendo en alcançe,
El rey Fariz en teruel se fue entrar
Y a Galve no lo cogieron alla,
775 Para Calatayuth, quanto puede, se va;
El Campeador ibalo en alcançe,
Fasta Calatayuth duro el segudar.
A Minaya Alvar Fañez bien le anda el caballo, 40
De aquestos moros mato treinta y quatro,
780 Espada tajador, sangriento trae el braço,
Por el cobdo ayuso la sangre destellando.
Dize Minaya:
[MINAYA]
Agora so pagado,
Que a Castiella iran buenos mandados;
Que Mio Çid Ruy Diaz lid campal ha vençida.
[CRONISTA]
785 Tantos moros yazen muertos que pocos vivos ha dexados,
Ca en alcançe sin dubda les fueron dando.
Ya se tornan los del que en buen hora nasco,
Andaba Mio Çid sobre su buen caballo,
La cofia fronzida, ¡Dios, como es bien barbado!
790 Almofar a cuestas, la espada en la mano;


31

31