690 Como sodes muy bueno, tener la hedes sin arte,
Mas no aguijedes con ella, si yo no vos lo mandar.
[CRONISTA]
Al Çid beso la mano, la seña va tomar,
Abrieron las puertas, fuera un salto dan.
Vieronlo las arobdas de los moros, al almofalla se van tornar,
695 --¡Que priessa va en los moros!-- y tornaronse a armar.
Ante roido de atamores la tierra queria quebrar;
Veriedes armarse moros, apriessa entrar en haz;
De parte de los moros dos señas ha caudales,
Y fizieron dos azes de peones mezclados, ¡qui los podrie contar!
700 Las hazes de los moros ya se mueven adelante,
Por a mio Çid y a los suyos a manos los tomar.
[CID]
Quedas sed, mesnadas, aqui en este logar,
No derranche ninguno fasta que yo lo mande.
[CRONISTA]
Aquel Pero Vermudez no lo pudo endurar,
705 La seña tiene en mano, compeço de espolonear.
[VERMUDEZ]
¡El Criador vos vala, Çid Campeador leal!
Vo meter la vuestra seña en aquella mayor haz;
Los que el deudo habedes, veremos como la acorredes.
[CRONISTA]
Dixo el Campeador:
[CID]
¡No sea, por caridad!
[CRONISTA]
710 Respuso Pero Vermuez:
[VERMUDEZ]
¡No rastara por al!
[CRONISTA]
Espolono el caballo y metiole en el mayor haz;
Moros le reçiben por la seña ganar,
Danle grandes colpes, mas no le pueden falsar.
Dixo el Campeador:
[CID]
¡Valelde, por caridad!
[CRONISTA]
715 Embraçan los escudos delante los coraçones, 35
Abaxan las lanzas a vueltas de los pendones
Enclinaron las caras de suso de los arzones,
Ibanlos ferir de fuertes coraçones


29

29