540 Del castiello que prisieron todos ricos se parten,
Los moros y las moras bendiziendole estan.
Vanse Fenares arriba quanto pueden andar,
Troçen las Alcarias y iban adelante,
Por las cuevas de Anquita ellos pasando van;
545 Pasaron las aguas, entraron al campo de Toranz,
Por esas tierras ayuso quanto pueden andar.
Entre Fariza y Çetina mio Çid iba albergar.
Grandes son las ganançias que priso por la tierra do va,
No lo saben los moros el ardimente que han.
550 Otro dia moviose mio Çid el de Bivar,
Y paso a Alfama, la Foz ayuso va,
Paso a Bobierca y a Teca que es adelante,
Y sobre Alcoçer mio Çid iba posar,
En un otero redondo, fuerte y grande;
555 Acerca corre Salon, agua no le pueden vedar.
Mio Çid don Rodrigo Alcocer cueda ganar;
Bien puebla el otero, firme prende las posadas,
Los unos contra la sierra y los otros contra la agua, 27
El buen Campeador, que en buen hora nasco,
560 Derredor del otero, bien çerca del agua;
A todos sus varones mando fazer una carcava,
Que de dia ni de noche no les diesen arrebata,
Que sopiesen que mio Çid alli habia fincança.
Por todas esas tierras iban los mandados:
565 Que el Campeador mio Çid alli habia poblado,
Venido es a moros, exido es de cristianos; 28
En la su vezindad no se treven ganar tanto,
Aguardandose va el Çid con todos sus vasallos.
El castiello de Alcoçer en paria va entrando,
570 Los de Alcocer a mio Çid ya le dan parias de grado 29
A los de Teca y los de Terrer la casa;
A los de Calatayuth, sabed, mal les pesaba.
Alli yogo mio Çid cumplidas quinze semanas.
Quando vio mio Çid que Alcoçer no sele daba,
575 El fizo un arte y no lo detardaba:
Dexa una tienda fita y las otras llevaba,
Cogio Salon ayuso, la su seña alçada,
Las lorigas vestidas y çintas las espadas,
A guisa de membrado, por sacarlos a çelada.
580 Veienlo los de Alcoçer, ¡Dios, como se alababan!
[ALCOCERANOS]
Fallido ha a mio Çid el pan y la çebada,


25

25