Yo los aduxe a salvo a tierras de Carrion;
3600 Habed vuestro derecho, tuerto no querades vos,
Ca qui tuerto quisiere fazer, mal se lo vedare yo,
En todo mio reino no habra buena sabor.
[CRONISTA]
Ya les va pesando a los ifantes de Carrion.
Los fieles y el rey ense˝aron los mojones,
3605 Librabanse del campo todos aderredor,
Bien se lo demostraron a todos seis como son,
Que por hy serie venšido qui saliese del mojon.
Todas las gentes escombraron aderredor,
Mas de seis astas de lanšas que no llegasen al mojon.
3610 Sorteabanles el campo, ya les partian el sol,
Salien los fieles de medio, ellos cara por cara son.
Desi vinien los de mio ăid a los ifantes de Carrion
Y los ifantes de Carrion a los del Campeador,
Cada uno d'ellos mientes tiene al suyo.
3615 Abrašan los escudos delante los corašones,
Abaxan las lanšas a vueltas con los pendones,
Enclinaban las caras sobre los arzones,
Batien los caballos con los espolones;
Tembrar queria la tierra do eran movedores.
3620 Cada uno d'ellos mientes tiene al suyo,
Todos tres por tres ya juntados son,
Cuedanse que esora cadran muertos los que estan aderredor.
Pero Vermuez, el que antes rebto,
Con Ferran Gonšalez de cara se junto;
3625 Firiense en los escudos sin todo pavor,
Ferran Gonšalez a Pero Vermuez el escudo le paso,
Prisole en vazio, en carne no le tomo,
Bien en dos logares el astil le quebro.
Firme estido Pero Vermuez, por eso no se encamo,
3630 Un colpe rešibiera, mas otro firio,
Quebranto la bloca del escudo, a parte se la echo,
Pasoselo todo, que nada no le valio;
Metiole la lanša por los pechos, que nada no le valio;
Tres dobles de loriga tenie Fernando, aquesto le presto,
3635 Las dos le desmanchan y la tercera finco.
El belmez con la camisa y con la guarnizon
De dentro en la carne una mano se la metio,
Por la boca afuera la sangre le salio;
Quebraronle las šinchas, ninguna no le hobo pro,
3640 Por la copla del caballo en tierra lo echo.


112

112