3565 Si del campo bien salides, gran hondra habredes vos,
Y si fueres venšidos, no rebtedes a nos,
Ca todos lo saben, que lo buscastes vos.
[CRONISTA]
Ya se van repintiendo ifantes de Carrion,
de lo que habien fecho mucho repisos son,
3570 No lo querrian haber fecho por quanto ha en Carrion.
Todos tres son armados los del Campeador,
Ibalos ver el rey don Alfonso.
Dixieron los del Campeador:
[VERMUEZ]
Besamosvos las manos, como a rey y a se˝or,
3575 Que fiel seades hoy d'ellos y de nos.
A derecho nos valed, a ningun tuerto no.
[ANTOLINEZ]
Aqui tienen su bando los ifantes de Carrion,
No sabemos que se comidran ellos o que no.
[MUNO]
En vuestra mano nos metio nuestro se˝or.
3580 Tenednos a derecho, por amor del Criador.
[CRONISTA]
Esora dixo el rey:
[REY]
De alma y de corašon.
[CRONISTA]
Aduzenles los caballos buenos y corredores,
Santiguaron las siellas y cabalgan a vigor,
Los escudos a los cuellos, que bien blocados son.
3585 En mano prenden las astas de los fierros tajadores,
Estas tres lanšas traen se˝os pendones,
Y derredor d'ellos muchos buenos varones.
Ya salieron al campo, do eran los mojones;
Todos tres son acordados los del Campeador,
3590 Que cada uno d'ellos bien fuese ferir el suyo.
Fevos de la otra parte los ifantes de Carrion,
Muy bien acompa˝ados, ca muchos parientes son.
El rey dioles fieles por dezir el derecho y al no,
Que no barajen con ellos de si o de no.
3595 Do seian en el campo fablo el rey don Alfonso.
[REY]
Oid que vos digo, ifantes de Carrion:
Esta lid en Toledo la fizierades, mas no quisiestes vos.
Estos tres caballeros de mio ăid el Campeador


111

111