Dixo el rey:
[REY]
Plazeme de corašon;
3435 Dezid, Minaya, lo que hobieredes sabor.
[MINAYA]
Yo vos ruego que me oyades toda la corte;
Gran rencura he de ifantes de Carrion.
Yo les di mis primas por mandado del rey Alfonso,
Ellos las prisieron a hondra y a bendišion;
3440 Grandes haberes les dio mio ăid el Campeador,
Ellos las han dexadas a pesar de nos.
Riebtoles los cuerpos por malos y por traidores.
De natura sodes de los de Vanigomez,
Onde salien condes de prez y de valor,
3445 Mas bien sabemos las ma˝as que ellos han.
Esto gradesco yo al Criador,
Quando piden mis primas, do˝a Elvira y do˝a Sol,
Los ifantes de Navarra y de Aragon.
Antes las habiedes parejas para en brašos las tener,
3450 Agora besaredes sus manos y llamar las hedes se˝oras,
Haber las hedes a servir, mal que vos pese a vos;
Grado a Dios del šielo y aquel rey don Alfonso,
Asi le creše la hondra a mio ăid el Campeador,
En todas guisas tales sodes quales digo yo.
3455 Si ha hy qui responda o dize de no,
Yo so Alvar Fa˝ez, para todo el mejor.
[CRONISTA]
Gomez Pelayet en pie se levanto.
[GOMEZ]
┐Que vale, Minaya, toda esa razon?
Ca en esta corte afarto ha para vos;
3460 Y qui al quisiese ┐serie su occasion?
Si Dios quisiere que d'esta bien salgamos nos,
Despues veredes que dixiestes o que no.
[CRONISTA]
Dixo el rey:
[REY]
Fine esta razon.
No diga ninguno d'ella mas una entenšion;
3465 Cras sea la lid, quando saliere el sol,
D'estos tres por tres que retaron en la corte.
[CRONISTA]
Luego fablaron ifantes de Carrion.


107

107