Levantose en pie mio Çid el Campeador.
[CID]
¡Merçed, rey Alfonso, vos sodes mio señor!
Esto gradesco yo al Criador,
3405 Quando me las demandan de Navarra y de Aragon.
Vos las casastes antes, ca yo no,
Afe mis fijas en vuestras manos son;
Sin vuestro mandado, nada no fere yo.
[CRONISTA]
Levantose el rey, fizo callar la corte.
[REY]
3410 Ruegovos, Çid, caboso Campeador,
Que plega a vos, y atorgar lo he yo,
Este casamiento hoy se otorgue en esta corte,
Ca creçe vos hy hondra y tierra y honor.
[CRONISTA]
Levantose mio Çid, al rey las manos le beso.
[CID]
3415 Quando a vos plaze, otorgolo yo señor.
[CRONISTA]
Esora dixo el rey:
[REY ]
¡Dios vos de dende buen galardon!
A vos Ojarra, y a vos, Inego Ximenez,
Este casamiento otorgovosle yo.
De fijas de mio Çid, doña Elvira y doña Sol,
3420 Para los ifantes de Navarra y de Aragon,
Que vos las den a hondra y a bendiçion.
[CRONISTA]
Levantose en pie Ojarra, e Inego Ximenez;
Besaron las manos del rey don Alfonso
Y despues de mio Çid el Campeador.
3425 Metieron las fes y los homenajes dados son,
Que como es dicho asi sea o mejor.
A muchos plaze de toda esta corte,
Mas no plaze a los ifantes de Carrion.
Minaya Alvar Fañez en pie se levanto.
[MINAYA]
3430 Merçed vos pido, como a rey y a señor,
Y que no pese esto al Çid Campeador.
Bien vos di vagar en toda esta corte,
Dezir querria yaquanto de lo mio.
[CRONISTA]


106

106