[CRONISTA]
Fernando Gonçalez en pie se levanto, 141
A altas voces odredes que fablo.
[FERNANDO]
Dexasedes vos, Çid de aquesta razon;
De vuestros haberes, de todos pagados sodes.
3295 ¡No creçiese baraja entre nos y vos!
De natura somos de condes de Carrion,
Debiemos casar con fijas de reyes o de emperadores,
Ca no perteneçian fijas de ifançones;
Porque las dexamos, derecho fiziemos nos,
3300 Mas nos preçiamos, sabed, que menos no.
[CRONISTA]
Mio Çid Ruy Diaz a Pero Vermuez cata. 142
[CID]
Fabla, Pero Mudo, varon que tanto callas,
Yo las he fijas y tu primas cormanas;
A mi lo dizen, a ti dan las orejadas.
3305 Si yo respondiere, tu no entraras en armas.
[CRONSITA]
Pero Vermuez compeço de fablar, 143
Detienesele la lengua, no puede delibrar,
Mas quando empieça, sabed, no le da vagar.
[VERMUDEZ]
Direvos, Çid costumbres habedes tales,
3310 Siempre en las cortes Pero Mudo me llamades.
Bien lo sabedes que yo no puedo mas,
Por lo que yo hobiere a fer, por mi no mancara.
Mientes, Fernando, de quanto dicho has,
Por el Campeador mucho valiestes mas;
3315 Las tus mañas yo te las sabre contar.
Miembrate quando lidiamos çerca Valençia la grande:
Pediste las feridas primeras al Campeador leal,
Viste un moro, fustele ensayar; antes fuxiste que a el te allegases.
Si yo no uyase, el moro te jugara mal;
3320 Pase por ti, con el moro me hobe de ajuntar,
de los primeros colpes hobele de arrancar,
Dite el caballo, tovetelo en poridad,
Fasta este dia no lo descubri a nadi.
Delante mio Çid y delante todos hobistete de alabar,
3325 Que mataras el moro y que fizieras barnax;
Crovierontelo todos, mas no saben la verdad.
Y eres fermoso, mas mal barragan,


103

103