Por eso vos la do, que la bien curiedes vos,
Se que si vos acaeçiere, con ella ganaredes gran prez y gran valor.
[CRONISTA]
Besole la mano, el espada tomo y reçibio.
Luego se levanto mio Çid el Campeador.
[CID]
3200 Grado al Criador y a vos, rey señor,
Ya pagado so de mis espadas, de Colada y de Tizon.
Otra rencura he de ifantes de Carrion:
Quando sacaron de Valençia mis fijas amas a dos,
En oro y en plata tres mill marcos de plata les di yo;
3205 Yo faziendo esto, ellos acabaron lo suyo.
Denme mis haberes, quando mios yernos no son.
[CRONISTA]
¡Aqui veriedes quexarse ifantes de Carrion!
Dize el conde don Remon:
[DON REMON]
Dezid de si o de no.
[CRONISTA]
Esora responden ifantes de Carrion:
[DIEGO]
3210 Por eso le diemos sus espadas al Çid Campeador,
Que al no nos demandase, que aqui finco la voz.
[DON RAMON]
Si ploguiere al rey...
[REY]
¡Asi dezimos nos!
[CRONISTA]
A lo que demanda el Çid, que le recudades vos.
[CRONISTA]
Dixo el buen rey:
[REY]
Asi lo otorgo yo.
[CRONISTA]
3215 Dixo, Alvar Fañez levantandose en pie, el Çid Campeador:
[CID]
D'estos haberes que vos di yo, si me los dades, ¿do?, dedes d'ello
razon.
[CRONISTA]
Esora salien aparte ifantes de Carrion,
No acuerdan en consejo, ca los haberes grandes son;
Espesos los han ifantes de Carrion.
3220 Tornan con el consejo y fablaban a su sabor.


100

100